
1,929 views
19 Jan 2020
CUCU WA CIURA Mugaga ati mwanathii mutari mwakinya Nanyuki, Muonio gwa ithe wa Wahu muheo mukimo wa ngige, Na muonio cucu wa ciura ahurituo mbica ya kirengo, Bata ndubatabataga iri gutu ihugagia mwene. Waumire Kiandongoro ukirora weru wa Laikipia, Cia uthoni ciambaga nguhi ningi cira munene ni ukia, Garurira ithe wa wahu mbeu ti ya kinya kimwe, Gatami ke nguo yene gatingikuratira nguo. Giikaro kimwe ki ngee gitindo kia mucii ni kiuru, Gucera ni kuhiga gucukaguo utaguteo, Ningi gutema na kanua tikuo gutema na ruhiu, Guthekereruo ni andu ti kuririruo ni hiti. Ithe wa kiunjuri ngwire guthii kuonagia mundu njira, Ithe wa Kiunjuri guthii gutigiragia mundu acoke, Guthuraguo mundu uriendwo gutiri gitatuirie kingi, Ningi gutiri ngware itari muhuririe wayo. Wakinya gwitu Nyeri geithia Ngunjiri wa Wambugu, Gutiri uta utari nyama ningi gutiri uriru utonuo, Nii ndikaruma mundu gwika wega kumaathaga ungi, Iri guciarira riua-ini noho yongithagiria. Wona kanini kega mutume gwi cucu wa ciura, Hururu ithekaga rwaro iganaguo yari iria yakua, Hinya nduigana urume haro ni ya muka uri thiri, Handu ha njuguma na ha mugwi hatiganaine. Horera ngoro gutiri witaga ithe wa ungi baba x2 Horera ngoro gutiri thingira uciraga ta ungi x2 Amba ucoke Nanyuki gutiri uciaraguo ari mugi x2 Amba ucoke laikipia wone kana nirukwenja x2 Amba ucoke gicagi Mwangi Kiunjuri wa Maitu x2 Amba ucoke gicagi niguthuraguo mundu uriendwo x2
