Mfalme Charles III agundulika na aina fulani ya saratani

Mfalme Charles III amegundulika kuwa ana aina fulani ya saratani na ameanza matibabu, Kasri ya Buckingham imesema Jumatatu. Kasri hiyo inasema saratani hiyo haihusiani na matibabu ya karibuni ya tezi ambayo haikuwa saratani. Haikusema ni aina gani ya saratani mfalme huyo mwenye umri wa miaka 75 anayo. Kasri ilisema “kulikuwa na hali ya wasiwasi iliyoelezwa” wakati wa matibabu ya Charles kwa kukua kwa tezi dume mwezi uliopita. “Uchunguzi wa matibabu umegundua aina ya saratani,” ilisema. Ilisema Charles “ameendelea kuwa mwenye fikra chanya kuhusu matibabu yake na anatarajia kurudi kutekeleza majukumu yake kikamilifu haraka iwezekanavyo. Kasri iliongeza kuwa mfalme “amechagua kuweka taarifa za ugonjwa wake wazi kuepusha watu kueneza uvumi na kwa matumaini inaweza kuusaidia umma kufahamu hali ya wote walioko ulimwenguni ambao wameathiriwa na saratani. Charles alitawazwa kuwa mfalme Septemba 2022 wakati mama yake Malkia Elizabeth II alipofariki akiwa na umri wa miaka 96. -AP #saratani #maradhi #mfalmecharlesIII #uingereza #buckinghampalace #voa #voaswahili