Ndege za kivita za Israel zashambulia malengo ya Hezbollah kusini mwa Lebanon

Idadi ya vifo kutokana na mashambulizi ya Israel nchini Lebanon tangu ilipoanza kuwapiga wanamgambo wa Hezbollah wanaoungwa mkono na Iran, imefikia watu 3,365. Hesabu ya wizara ya afya ya Lebanon pia inasema idadi ya watu waliojeruhiwa imefikia watu 14,344. Jeshi la Israel IDF, limesema kwamba limeongeza operesheni zake za ardhini kusini mwa Lebanon, linapoendelea na mashambulizi ya anga mjini Beirut. Ndege za kivita za Israel zimeendelea kushambulia malengo ya Hezbollah kusini mwa Beirut, huku jeshi likidai kwamba linaendelea kuharibu darzeni ya mifumo ya kurusha makombora ya Hezbollah, nchini Lebanon. Israel imesema kwamba makamanda kadhaa wa Hezbollah wameuawa katika mashambulizi ya hivi karibuni kusini mwa Lebanon. Wanamgambo wa Hezbollah nao wamesema kwamba wameshambulia sehemu za kaskazini mwa Israel kwa kutumia ndege zisizokuwa na rubani na makombora. - AP #voaswahili #afrika #israel #syria #hamas ⁣#beirut #lebanon #hezbollah #malengo