Sabaot, Abukusu na Iteso waungana kwa amani Trans Nzoia

Baada ya takribani karne moja ya mgawanyiko na migogoro, mamia ya wanajamii wa Sabaot kutoka Kenya na nchi jirani ya Uganda walijumuika na wenzao wa jamii za abukusu na iteso katika eneo la Marambachi, kaunti ya Trans Nzoia, kwa matambiko ya utakaso na kuondoa kisirani. Wanajamii hao walichinja ng’ombe na mbuzi, kunywa na kujumuika pamoja kwa nyimbo za kitamaduni, katika jitihada za kufungua ukurasa mpya wa umoja na amani.