Wizara ya nyumba yaungana na taasisi za fedha ili kutekeleza mpango wa nyumba za bei nafuu

Wizara ya nyumba imeungana na taasisi za fedha ili kutekeleza mpango wa nyumba za bei nafuu. Wakenya sasa wanaweza kupata fedha za kununua nyumba kupitia benki na vyama vya ushirika baada ya kuonyesha nia na kuwekwa katika kundi la mapato yao kupitia tovuti ya boma yangu. Kulingana na katibu wa wizara ya makazi, Charles Hinga, ambaye alikuwa akizungumza wakati wa mkutano wa wadau na taasisi za fedha, hatua hii haitatui changamoto za usambazaji tu bali pia serikali itatumia mifumo iliyopo ya usambazaji nyumba na ukusanyaji wa malipo ambayo tayari imeanzishwa na taasisi za fedha.