Kindiki awaonya wanasiasa dhidi ya siasa za uhuni

Kwa mara nyingine tena, Naibu Rais Prof. Kithure Kindiki amewaonya wanasiasa nchini dhidi ya siasa za uhuni, hasa wakati huu tunapoelekea uchaguzi mkuu. Akizungumza eneo la Othaya, kaunti ya Nyeri, alikofika kukagua miradi ya serikali na kuzindua ujenzi wa barabara ya Giathenge kuelekea Witima, Kindiki amesisitiza kuwa hakuna mwanasiasa atakayeruhusiwa kuendesha magenge kukabiliana na wapinzani. Pia amewataka wapinzani wake eneo la Kati kukomesha siasa za kuvunja heshima.