Mashirika ya kijamii yaitaka serikali kuharakisha maandalizi ya El Niño

Mashirika yasiyo ya serikali sasa yanaitaka serikali kuharakisha maandalizi ya kukabiliana na athari za mvua ya El Niño. Katika kikao hapa jijini Nairobi, mashirika hayo, ikiwemo Taasisi ya Uwajibikaji wa Umma, yameitaka pia serikali kuhakikisha uwajibikaji katika matumizi ya pesa zilizotengewa kukabiliana na dharura za mvua ya El Niño.