Watu watatu wafariki baada ya kunywa pombe inayoshukiwa kuwa na sumu Kiambu

Watu watatu wamefariki na mwingine amelazwa katika hali mbaya baada ya kunywa pombe inayoshukiwa kuwa na sumu katika kijiji cha Kimende, eneo bunge la Lari, Kaunti ya Kiambu. Pombe hiyo inayodaiwa kutengenezwa kienyeji ilisambazwa katika maduka ya kijiji hicho. Jamaa za waathiriwa wanaitaka serikali kuchukua hatua kali dhidi ya pombe haramu ambayo haijafikia viwango vya ubora vinavyohitajika.