Watu watatu wafariki katika ajali ya Mbagathi

Watu watatu wamefariki baada ya gari walimokuwa wakisafiria kuruka juu ya daraja na kuteketea kwa moto kwenye Barabara ya Mbagathi jijini Nairobi. Ajali hiyo iliyotokea saa nane usiku wa kuamkia leo ilitokea baada ya gari la kibinafsi kukosa mwelekeo na kupanda daraja linalotumiwa na watembea kwa miguu. Miili ya watu hao watatu imehifadhiwa katika City Mortuary huku uchunguzi ukiendelea kubaini chanzo cha ajali hiyo.