Askofu Omangi aitaka idara ya usalama kuchukua hatua dhidi ya uhuni wa kisiasa

Askofu Mkuu wa kanisa la Kianglikana Jimbo la Kisii, John Omangi ameitaka idara ya Usalama nchini kukoma kutoa matamshi bila matendo kuhusu visa vya uhuni vinavyozidi kushuhudiwa katika mikutano ya Kisiasa. Akizungumza mjini Kisii, askofu Omangi amesikitikia matukio yaliyoshuhudiwa kule Homa Bay akisema yanaashiria hali mbaya ya usalama nchini .