Mashirika yatetea maandamano ya Saba Saba licha ya marufuku ya polisi

Baadhi ya mashirika ya kijamii yanasisitiza kuwa maandalizi ya maandamano ya Saba Saba yataendelea kesho kama yalivyopangwa. Jijini Nairobi, waandamanaji wanatarajiwa kuelekea majengo ya Bunge kuwasilisha malalamishi yao. Hata hivyo, maafisa wa polisi wamepiga marufuku maandamano hayo wakisema hawajapokea ilani yoyote, na wameonya kuwa yeyote atakayeshiriki atachukuliwa hatua za kisheria.