Mbadi ashutumu upinzani kuhusu mswada wa fedha 2026

Waziri wa Hazina ya Kitaifa John Mbadi sasa anasema kuwa baadhi ya wanasiasa wa upinzani wamekuwa wakitoa taarifa za kupotosha kwa Wakenya kuhusu mswada wa fedha wa mwaka 2026 ambao umepitishwa na Bunge la Kitaifa. Waziri John Mbadi amesema kuwa wafanyabiashara wa mitumba wangepata nafuu ya ushuru iwapo mapendekezo yaliyokuwemo kwenye mswada huo awali yasingeondolewa.