Mwanamke Bomba | Sarah Adoyo: kutoka kibanda cha vyakula hadi kumiliki mikahawa

Majukumu ya familia yalimlazimu kuanza kujituma akiwa na umri mdogo. Namzungumzia Sarah Adoyo ambaye amekuwa maarufu katika eneo la Westlands hapa jijini Nairobi kutokana na kazi yake ya kuuza vyakula kibandani na hatimaye kufanikiwa kumiliki mikahawa kadhaa na kuwaajiri wafanyakazi wanaomtegemea ili kupata riziki yao ya kila siku. Ni safari ambayo haikuwa rahisi lakini ukakamavu wake umebadili maisha yake kwa kiwango kikubwa kama anavyosimulia katika makala ya Mwanamke Bomba juma hili.