Ukataji wa miti katika msitu wa Aberdare wazua wasiwasi kuhusu vyanzo vya maji

Huku maadhimisho ya Siku ya Mazingira yakiendelea nchini, ukataji wa miti katika msitu wa Aberdare umezua mjadala huku wakazi na viongozi wa Kaunti ya Nyandarua wakielezea hofu kuwa shughuli hiyo inaweza kuathiri mazingira na vyanzo vya maji. Hata hivyo, kama anavyoripoti Gatete Njoroge, Idara ya Misitu inasema uvunaji wa miti katika msitu huo unatekelezwa kwa mujibu wa sheria. Idara hiyo inaeleza kuwa miti inayokatwa imefikisha umri wa miaka 30, ili kutoa nafasi kwa miche mipya kukua.