Visa vya Ebola Kenya vyafikia 7, KMPDU yaikosoa Wizara ya Afya

Idadi ya watu walioambukizwa ugonjwa wa Ebola nchini Kenya imefikia 7. Hii ni baada ya Wizara ya Afya kuthibitisha visa vingine 4 vya Ebola. Miongoni mwao ni wahudumu watatu wa afya waliomhudumia mgonjwa wa kwanza wa Ebola nchini, ambaye aliaga dunia tarehe 5 mwezi wa Oktoba mwaka huu. Wizara ya Afya imesema wanne hao wamekuwa katika vituo vya kuwatenga washukiwa wa ugonjwa wa Ebola tangu tarehe 9 mwezi huu. Na kama anavyoarifu sasa Serfine Achieng Ouma, Muungano wa Madaktari Nchini (KMPDU) umeishutumu Wizara ya Afya kwa kukosa kuwahusisha madaktari kwenye mipango ya kitaifa ya kukabiliana na Ebola.