Wadau katika kaunti ya Kajiado waonya kuhusu kupungua kwa malisho katika eneo la Amboseli

Wadau wa kuwatunza wanyapori na mazingira katika Kaunti ya Kajiado wameeleza wasiwasi wao kuhusu kuendelea kupungua kwa malisho ya wanyapori na mifugo katika eneo pana la Amboseli. Wakizungumza kwenye maadhimisho ya siku ya wanyama ya kimataifa yalioandaliwa katika eneo la Risa Huko Kajiado Kusini wanasema hali hiyo huenda ikaongeza migogoro baina ya wanadamu na wanyapori.