Wakazi na viongozi wa Busia wawataka vijana kuepuka kutumiwa kisiasa

Wakazi pamoja na viongozi kutoka kaunti ya Busia wamewasihi vijana kutokubali kutumiwa na wanasiasa kuzua vurugu au kushiriki katika vitendo vya uhalifu. Wamesema tofauti za kisiasa hazipaswi kuwahusisha vijana kwa njia inayoweza kusababisha maafa, hofu au kuvuruga amani, wakitoa wito kwa vijana kuzingatia shughuli za maendeleo na kujiepusha na ushawishi unaoweza kuhatarisha mustakabali wao.