Wakazi wa kaunti ya Trans Nzoia wahimizwa kupima afya mara kwa mara

Wakazi wa Kaunti ya Trans Nzoia wametakiwa kuzingatia umuhimu wa kupima afya zao mara kwa mara ili kukabiliana na magonjwa sugu na kubaini maradhi ambayo huenda yakawa yamefichika bila kuonyesha dalili za wazi. Wito huo umetolewa katika siku ya tatu ya Maonyesho ya Kilimo ya Kitale, ambapo wadau wa sekta ya afya wanasisitiza kuwa uchunguzi wa mapema ni muhimu katika kuzuia madhara makubwa ya magonjwa.