Watu 8 wamefariki kwenye ajali Kirinyaga

Watu wanane wamefariki kufuatia ajali ya barabarani katika eneo la Murubara kwenye Barabara Kuu ya Mwea kuelekea Embu, Kaunti ya Kirinyaga. Ajali hiyo ilihusisha tuk-tuk iliyogongana na lori la kubeba mizigo lililokuwa likielekea Embu. Kamanda wa Polisi wa Kaunti Ndogo ya Mwea Mashariki, Stephen Okal amesema kuwa wanane hao walifariki papo hapo. Na kama anavyoarifu Serfine Achieng Ouma, watu wengine watatu akiwemo dereva wa lori walijeruhiwa.