Waathiriwa wa maandamano walalamikia kutengwa kwenye fidia

Baadhi ya waathiriwa wa maandamano ya mwaka 2024 na 2025 wamejitokeza kulalamikia kutengwa katika mchakato wa kufidiwa. Waathiriwa hao wanasema hawakuorodheshwa kupokea fidia licha ya kudhulumiwa na polisi. Baadhi yao, ambao ni miongoni mwa waliotekwa nyara, wanasema licha ya kujitokeza na kujisajili katika afisi za Tume ya Kitaifa ya Haki za Kibinadamu, wameachwa nje ya orodha ya walionufaika bila kupewa sababu maalum.