Watu 16 wangali hawajapatikana huku shughuli za uokoaji Eastleigh zikiingia siku ya saba

Watu 16 bado hawajapatikana huku shughuli za uokoaji katika jumba lililoporomoka mtaani Eastleigh, Nairobi, zikiingia siku ya saba hii leo. Waokoaji wamefikia sehemu za mwisho za jengo hilo, ambapo tangu juzi vifaa vya kielektroniki vilionyesha kuwa kuna watu wawili walio hai chini ya vifusi.