Jamii ya Wajir imewahimiza vijana, Wazee na kina Mama kujitokeza kwa wingi kushiriki katika zoezi linaloendelea la uandikishaji wa wapiga kura nchini.
Wito huo ulitolewa wakati wa kongamano la vijana lililolenga kuhamasisha ushiriki wao kupitia kampeni ya “Niko Kadi”, inayolenga kuwachochea vijana, hususan kizazi cha Gen Z, kujiandikisha kabla ya Uchaguzi Mkuu wa mwaka 2027. Kongamano hilo lilisisitiza umuhimu wa vijana kushiriki kikamilifu katika mchakato wa kidemokrasia, huku wakihimizwa kufika katika vituo vya uandikishaji na kupata kura zao za mpiga kura.
