Shambulizi lililofanywa na jeshi la Israeli lauwa Wapalestina sita

Majeshi ya Israeli yamewauwa Wapalestina sita katika eneo la Ukingo wa Magharibi linalokaliwa kwa mabavu Jumanne (June 11), Wizara ya Afya ya Palestina ilisema, katika kile ambacho jeshi la Israeli limesema ilikuwa shambulizi dhidi ya wanamgambo. Jeshi la Israeli lilisema wanne kati ya wale waliofariki walikuwa ni wanamgambo wenye silaha, waliuwawa wakati wa kutupiana risasi na wanajeshi, katika kijiji cha Kufr Dan, karibu na mji wa Palestina wa Jenin. Kikundi cha wanamgambo wa Palestina hawakutoa tamko lolote mara moja. Kikosi cha Zimamoto kiliuzima moto uliokuwa unawaka ndani ya gari katika eneo hilo. Watu waliigundua miili ya watu wawili chini ya mti karibu na nyumba iliyokuwa imeharibiwa. Ghasia huko Ukingo wa Magharibi, zilikuwa tayari zimeongezeka kabla ya vita vya Israel na Hamas huko Gaza, zimezidi tangu wakati huo kutokana na mashambulizi ya mara kwa mara yanayofanywa na jeshi dhidi ya vikundi vya wanamgambo, ghasia za walowezi wa Kiyahudi katika vijiji vya Wapalestina, na Wapalestina wakifanya mauaji mitaani. Ukingo wa Magharibi na Gaza, ni maeneo yaliyotekwa na Israel katika vita vya mwaka 1967, ni kati ya ardhi ambazo Wapalestina wanazitaka ili wawe na taifa huru. Mazungumzo ya amani yaliyosimamiwa na Marekani yalivunjika muongo mmoja uliopita. ⁠⁣ #Haifa ⁣⁣⁣⁣⁣#waelaldahdouh #hamzaaldahdouh #shirikalamwezimwekundu⁣⁣⁣⁣⁣⁣⁣⁣⁣⁣⁣⁣⁣⁣ #Rafah #Netanyahu #Misri #Hamas #Gaza #Palestina #IDF #GalMeirEizenkot #mauaji #jeshi #israel #voa #voaswahili #kufrdan #jenin #wanamgambo #wapalestina #jeshi #israel